Monday, May 26, 2008

Kinti Mushkil Se Kati...

Kinti Mushkil Se Kati Kal Ki Meri Raat Na Poocho
Dil Se Nikli Hui Honton Me Dabi Baat Na Poocho
Woh Kis Aada Se Mere Saamne Se Guzra Abhi
Kis Tarah Maine Sambhale Mere Jazbaat Na Poocho
Waqat Jo Badle To Insaan Badal Jaate Hai
Kya Nahi Dikhlaate Yeh Gardish-E-Haalat Na Poocho
Woh Kisi Ka Ho Bhi Gaya Or Mujh Ko Kabar Na Huyi
Kis Tarah Us Ne Churraya Hai Mujh Se Haath Na Poocho
Is Tarah Pal Mein Mujhe Begaana Kar Diya Usne
Kis Tarah Apno Se Khaayi Hai Maine Maat Na Poocho
Ab Tere Pyaar Nahi Hai To Sanam Kuch Bhi Nahi
Kitni Mushkil Se Bani Thi Dil Ki Kainaat Na Poocho